ಮುಳ್ಳು ಹೋಯ್ತು..ಮುಳ್ಳು ಹೋಯ್ತು..ಲಲ್ಲಲಲ್ಲಲಾ.!

ಹಕ್ಕಿ ಜೇನ್ ಗುಳಕ ಅಳ್ತಾ ಇದ್ದ. ಅವನ ಗೆಳತಿ ಜೇನ್ ಗುಳಕಿ ಬಿದ್ದು ಬಿದ್ದು ನಗ್ತಾ ಇದ್ದಳು

ಜೇನ್ ಗುಳಕ- ನಗು ನಗು. ನನ್ನ ಕಷ್ಟ ನಂಗೆ. ನಿಂಗೇನು?

ಜೇನ್ ಗುಳಕಿ- ಹಾಹಹ್ಹಹ್ಹ ಹೋಹ್ಹೊಹ್ಹೊಹ್ಹೊ.ಹಹ್ಹಹ್ಹ..ಅಯ್ಯೋ ನಿನ್ನ ಅವಸ್ಥೆಯೇ! ನಿನ್ನ ಪಾಡು ನೋಡಿದ್ರೆ ಅಳಬೇಕು ಅನ್ನಿಸ್ತಿದೆ. ಆದ್ರೆ ನಾನು ಅಳಲ್ಲ, ನಗ್ತೇನೆ. ಹಾಹಹ್ಹಹ್ಹ..

- ನಗಬೇಡವೇ ನಂಗೆ ತುಂಬ ಬೇಜಾರಾಗ್ತದೆ. ನಿಂಗೆ ನನ್ನ ಮೇಲೆ ಪ್ರೀತಿಯೇ ಇಲ್ಲ!

-ಪ್ರೀತಿ ಅಂತೆ ಪ್ರೀತಿ! ಒಂದು ಜೇನ್ ಹುಳಾನ ಹಿಡಿದು ತಿನ್ನೋಕೂ ಬರಲ್ಲ ನಿಂಗೆ. ಅಷ್ಟಕ್ಕೇ ಅಳ್ತೀಯ. ಇನ್ನು ನನ್ನ ಹೆಂಗೆ ಸಾಕ್ತೀಯಾ? ನಿನ್ನ ಮದ್ವೆ ಆದ್ರೆ ನನ್ನ ಬದುಕು ಬದನೆಕಾಯ್ ಆಗಿಹೋಗುತ್ತೆ!

-  ತಾಳು ತಾಳು. ಅಮ್ಮನ ಹತ್ರ ಹೇಳ್ತೇನೆ.

- ಹೇಳ್ಕೊ ಹೋಗ್. ನಾನು ಯಾರಿಗೂ ಹೆದರೋಳಲ್ಲ. ನಿನಗೂ, ನಿನ್ನಮ್ಮಂಗೂ!

- ನೀನು ಬರೀ ಬಜಾರಿ. ಯಾಕಾದ್ರೂ ನಿನ್ನ ಸಹವಾಸ ಮಾಡಿದ್ನೋ ನಾನು?

- ಹಹ..ಹೋಗಿ ಅಮ್ಮನ ಬಾಲ ಹಿಡ್ಕೊಂಡ್ ತಿರುಗು..ಪೆದ್ದು ಕಂದಾ!

( ಗುಳಕ ಜೋಲುಮೋರೆಯಲ್ಲಿ ಅಮ್ಮನ ಬಳಿಗೆ ಬಂದ)

- ಅಮ್ಮಾ.. ಅಮ್ಮಾ..

ಅಯ್ಯೋ ಮಗಾ.. ಯಾಕ್ ಅಳ್ತಾ ಇದೀಯಾ? ನನ್ ಕಂದನಿಗೆ ಯಾರ್ ಏನಪ್ಪಾ ಮಾಡಿದ್ರು?

- ನೋಡಮ್ಮ ಆ ಬಜಾರಿ ಜೇನ್ಗುಳಕಿ  ನಂಗೆ ತಮಾಷೆ ಮಾಡ್ತಾಳೆ.

- ( ತುಸು ಕೋಪದಿಂದ)

ಅಯ್ಯೊ ಮನೆಮುರುಕಿಯೇ! ಏನಾಗಿದೆ ಅಂತೆ ಅವಳಿಗೆ? ಯಾಕೆ ನಿಂಗೆ ತಮಾಷೆ ಮಾಡ್ತಾಳೆ?

- ನಂಗೆ ಜೇನ್ ಹುಳಾನ ಹಿಡಿಯೋ ಕ್ರಮ, ಹಿಡಿದು ತಿನ್ನೋ ಕ್ರಮ ಗೊತ್ತಿಲ್ಲ ಅಂತೆ. 'ನಿನ್ನಮ್ಮ ಅದನ್ನೆಲ್ಲಾ ಹೇಳ್ಕೊಟ್ಟಿಲ್ವಾ? ಮನೆಯ ಆಚಾರ ವಿಚಾರ ಗೊತ್ತಿಲ್ವಾ ಅಂತ ಕೇಳ್ತಾಳೆ?



- ಗ್ರಹಚಾರ ಬಿಡಿಸ್ತೀನಿ ಅವಳದ್ದು. ನಿಂಗೆ ಅದನ್ನೆಲ್ಲ ಕಲಿಸಿಕೊಟ್ಟಿದ್ನಲ್ಲೋ ಮಗನೇ? 

-ನೀನ್ ಕಲಿಸಿಕೊಟ್ಟೆ. ನಂಗೆ ಜೇನುಹುಳಾನ ಹಿಡಿಯೋದು ಗೊತ್ತಾಯ್ತು. ಆದ್ರೆ ತಿನ್ನೋಕೆ ಹೋದ್ರೆ ಆ ನೊಣದ ಮುಳ್ಳು..ಅಬಾ..ನಾಲಿಗೆಗೇ ಚುಚ್ಚಿಕೊಳ್ಳುತ್ತೆ...

- ಅಯ್ಯೋ ಪೆದ್ದಾ, ತಿನ್ನೋ ಮೊದಲು ಮುಳ್ಳನ್ನು ತೆಗೀಬೇಕು.

- ಅದೇ ಆಗ್ತಿಲ್ಲ ಅಮ್ಮ. ನಾನ್ ಎಷ್ಟು ಪ್ರಯತ್ನಪಟ್ಟರೂ ಆಗ್ತಾನೇ ಇಲ್ಲ.

- ತಾಳು ಇನ್ನೊಮ್ಮೆ ಕಲಿಸ್ತೀನಿ. ನೋಡಿ ಕಲಿ, ಮಾಡಿ ತಿಳಿ. ಬಾ ಹುಳು ಹುಡ್ಕೊಂಡ್ ಬರೋಣ.

( ಗಾಳಿಯಲ್ಲಿ ಇಬ್ಬರೂ ಒಂದು ಸುತ್ತು ಹಾರಿ ತಿರುಗಿಬಂದಾಗ ಇಬ್ಬರ ಕೊಕ್ಕಿನಲ್ಲೂ ಒಂದೊಂದು ಜೇನುಹುಳು ಇರುತ್ತದೆ.)

- ವೆರಿಗುಡ್ ಮೈ ಬಾಯ್! ಹಿಡಿಯೋದರಲ್ಲಿ ಪಳಗಿದ್ದೀಯ.

- ಥ್ಯಾಂಕ್ಯೂ ಅಮ್ಮ.!

-ಓಕೆ ಓಕೆ. ಈಗ ಸೂಜಿ ಎದುರು ಬರುವಂತೆ  ಜೇನುಹುಳವನ್ನು ಕೊಕ್ಕಿನಲ್ಲಿ ಗಟ್ಟಿಯಾಗಿ ಅಮರಿಸಿ ಹಿಡ್ಕೋ.

-ಮ್...

-ಈಗ, ಎಷ್ಟ್ ರಭಸ ಆಗುತ್ತೋ ಅಷ್ಟು ರಭಸದಲ್ಲಿ ಮರದ ತೊಗಟೆಗೆ ಕಣ್ಮುಚ್ಕೊಂಡು ಉಜ್ಜಬೇಕು. ಹೇಗೇ?......

-ರಪ್ ರಪ್ ರಪಾ..ಕ್..!

- ಹಾ. ರೆಡೀ ವನ್,ಟೂ ತ್ರೀ..

ರಪ್ ರಪ್ ರಪಾ..ಕ್..!

-ನೋಡು, ಮುಳ್ಳು ಹೋಯ್ತಾ?

-ಚೂರು ಹೋಯ್ತು. ಸ್ವಲ್ಪ ಉಳಿದಿದೆ.

- ಸ್ವಲ್ಪಾನೂ ಉಳೀಬಾರ್ದು. ಮುಳ್ಳು ನಂಜು.

ನೋಡದೇ ತಿಂದು ಮುಳ್ಳು ಗಂಟಲಿಗೆ ಚುಚ್ಚಿದ್ರೆ..

- ಗೊಟಕ್!?

- ಗೊಟಕ್ ಆಗಲ್ಲ. ಗಂಟಲ ಮುಳ್ಳು ತೆಗೀಬೇಕಂದ್ರೆ ಕ್ಯಾಕರಿಸಿ ಕ್ಯಾಕರಿಸಿ ಸಾಯ್ಬೇಕು!

ಇರ್ಲಿ. ಈಗ ಇನ್ನೊಂದ್ಸಾರಿ..

-ರಪ್ ರಪ್ ರಪಾ..ಕ್..

ಈಗ?

- ಮುಳ್ಳು ಹೋಯ್ತೂ..ಮುಳ್ಳು ಹೋಯ್ತು..ಲಲ್ಲಲಲ್ಲಲಾ.!

- ಜಾಣ..ಈಗ ಹೋಗಿ ಆ ನಿನ್ನ ಬಜಾರಿ ಬಸವಿಗೆ ಹೋಗಿ ಕೊಡು. 

- ಆಗಲಮ್ಮ ಬರ್ತೀನಿ. ಇದನ್ನ ನಾನೇ ತಿಂದು ಅವಳಗೆ ಫ್ರೆಶ್ ಆಗಿ ಹಿಡ್ದು ಮುಳ್ಳು ತೆಗೆದು ಕೊಡ್ತೀನಿ.

- ಆಯ್ತು ಹೋಗು.  ಅವಳಿಗೆ ಬಯ್ಬೇಡ. ಬಜಾರಿ ಆದ್ರೂ ಒಳ್ಳೆ ಮನಸ್ಸಿನ ಹುಡುಗಿ ಅವಳು. ನನ್ನ ಮುದ್ದು ಸೊಸೆ..

(ಜೇನ್ಗುಳಕ ನಾಚುತ್ತಾ ಅತ್ತ ಕಡೆ ಹಾರಿದ)

Comments

Post a Comment

Popular posts from this blog

ಮಾತು ಕೇಳದ ಹಲ್ಲಿ

Image
 ಪಿಂಚು ಹಲ್ಲಿ ಮಹಾ ಒರಟ. ಅದು ತನ್ನ ಅಮ್ಮ ಹಲ್ಲಿಯ ಮಾತನ್ನು ಕೇಳುತ್ತಿರಲಿಲ್ಲ. ಮನೆಯ ಹಿರಿಯನಾದ ಅಜ್ಜ ಹಲ್ಲಿಯ ಮಾತನ್ನೂ‌ ಕೇಳುತ್ತಿರಲಿಲ್ಲ. ಮನೆಯವರಿಗೆಲ್ಲ ಅದನ್ನು ಸಹಿಸಲು ಕಷ್ಟವಾಗುತ್ತಿತ್ತು. ಅದರ ಕೀಟಲೆಗಳನ್ನು ನೋಡಿಕೊಂಡು ಸುಮ್ಮನೆ‌ ಇರಬೇಕಾಗಿತ್ತು. ಅದರ ತುಂಟತನದಿಂದ ಬೇರೆಯವರಿಗೇನೂ ತೊಂದರೆ ಆಗುತ್ತಿರಲಿಲ್ಲ‌. ಆದರೆ ಅದುವೇ ತೊಂದರೆಗೊಳಗಾಗುತ್ತಿತ್ತು.  ಅಜ್ಜ: ಪಿಂಚು, ನೀನು ಜಾಣನಾಗಬೇಕು. ಅಮ್ಮ‌ ಅಥವಾ ಮನೆಯ ಹಿರಿಯರು‌‌‌ ಹೇಳಿದ ಮಾತನ್ನು ‌ಕೇಳಬೇಕಪ್ಪಾ. ನಾವು ಅನುಭವದಿಂದ ಕಲಿತ ಬುದ್ಧಿಮಾತನ್ನು ಹೇಳಿದರೆ ಅದು ನಿನ್ನ ಒಳ್ಳೆಯದಕ್ಕೆ ತಾನೇ? ಅದರಂತೆ ನಡೆದರೆ ಜೀವನ ಸಂತೋಷಮಯವಾಗುತ್ತದೆ. ಅಪಾಯದಲ್ಲಿ ಸಿಕ್ಕಾಗ ನೆರವಿಗೆ ಬರೋದು ನಮ್ಮ ಮಾತುಗಳೇ. ಪಿಂಚು- ಅಯ್, ಹೋಗಜ್ಜ ನೀನು.‌ ಯಾವಾಗ್ಲೂ ಇದನ್ನೇ ಹೇಳ್ತೀಯ.‌  ಅಜ್ಜ: ಹಾಗಲ್ಲ ಮಗೂ.. ಪಿಂಚು: ಆಯ್ತಜ್ಜ. ನಿನ್ನ ಮಾತು ಈ ಸಾರಿ ಕೇಳ್ತೇನೆ. ಆದ್ರೆ ಎಲ್ಲ ಸಾರಿಯೂ ಅಲ್ಲ. ಅಮ್ಮ ಅಂತೂ ಹಾಗ್ ಮಾಡ್ಬೇಡ, ಹೀಗ್ ಮಾಡ್ಬೇಡ ಅಂತಾನೇ ಇರ್ತಾಳೆ.‌ ಅದೆಲ್ಲ ನನಗಾಗಲ್ಲ. ನಂಗೆ ಹೇಗೆ ಬೇಕೋ ಹಾಗಿರ್ತೀನಿ. ಹಾಗೇ ಮಾಡ್ತೀನಿ. ಅಜ್ಜ: ಅಯ್ಯೋ, ನಿಂಗೆ ಎಷ್ಟು ಹೇಳಿದ್ರೂ ಅಷ್ಟೇ. ಇರಲಿ, ನಾನು ನಿಂಗೊಂದು ಕತೆ ಹೇಳ್ತೇನೆ. ಕತೆ ಅಂದ್ರೆ ಕತೆ ಅಲ್ಲ. ಶತ್ರುವಿನಿಂದ ಬಚಾವಾಗುವ ಒಂದು ಉಪಾಯ. ಸ್ವಲ್ಪ ಕೂತು ಕೇಳ್ತೀಯಾ? ಪಿಂಚು: ಆಗಲಿ, ಆಸಕ್ತಿ ಬಂದ್ರೆ ಪೂರ್ತಿ ಕೇಳ್ತೀನಿ. ಇಲ್ಲ...
Read more

ಪೆಂಗಪ್ಪ ಮಂಗಪ್ಪ

Image
ಪೆಂಗಪ್ಪಾ, ಈ ಸಾರಿ ನಮ್ಮ ಉರುಳಿಗೆ ಹಂದಿ ಬೀಳೋದ್ ಗ್ಯಾರಂಟಿ ಮಾರಾಯ. ಪೆ- ಹಂದಿ ಬೀಳದಿದ್ರೆ ಹೋಗಲಿ. ಮೊಲವೋ, ಜಿಂಕೆನಾದ್ರೂ ಬೀಳಬೇಕು. ಬರೇ ಅನ್ನ‌ ಸಾರು ತಿಂದು ನಾಲಗೆ ಜಡ್ಡುಗಟ್ಟಿ ಹೋಗಿದೆ. ಮ- ಹಂದಿಯೇ ಬೀಳ್ತದೆ ಬಿಡು. ಉರುಳು ಬಲವಾಗಿ ಇದೆ. ಸರಿ. ಈಗ ನಾನು ಕಾಡಿನ‌ ಈ ಕಡೆ ಹೋಗ್ತೇನೆ. ನೀನು ಆ ಕಡೆ ಹೋಗು. ಹಂದಿ ಕಾಣಿಸಿದರೆ ಇಬ್ಬರೂ ಗದ್ದಲ ಮಾಡ್ತಾ ಈ ಉರುಳಿನ ಬಳಿಗೆ ಹಂದಿಯನ್ನು ಓಡಿಸಿಕೊಂಡು ಬರೋದು ಪ್ಲಾನು. ಪೆ- ಓಕೆ. ಹಂದಿ ಕಾಣಿಸಿದರೆ ನಾನು ನವಿಲಿನ ಹಾಗೆ ಕೂಗಿ ನಿನಗೆ ಸೂಚನೆ ಕೊಡ್ತೇನೆ.  ಮಂ: ಬೇಡ ನಾನು ಫೋನ್ ಮಾಡ್ತೇನೆ. ಪೆ: ಬೇಡ ಬೇಡ. ಆಗ ಪ್ರಾಣಿಗಳಿಗೆ ಮನುಷ್ಯರು ಇರೋದು ಗೊತ್ತಾಗ್ತದೆ. ಮಂ: ಮೆಸೇಜು ಮಾಡಿದರೆ? ಪೆ: ಅಯ್ಯೋ ಪೆಂಗ. ಕಾಡಿನಲ್ಲಿ‌ ನೆಟ್ವರ್ಕ್ ಸಮಸದಯೆ ಆಗಿ ಸಮಸ್ಯೆ ಆಗ್ತದೆ. ನಾನು ನವಿಲಿನ ಹಾಗೆ ಕೂಗ್ತೇನೆ. ಅದೇ ಒಳ್ಳೆಯದು. ಮ-ಸರಿ ಒಮ್ಮೆ ಕೂಗಿ ತೋರಿಸು. ಪೆ- ಕೇಂ..ಕೇಂ.. ಮ-ಸೂಪರ್.. ಹಂದಿ ಮೊದಲು ನನಗೆ ಕಾಣಿಸಿದ್ರೆ ನಾನು ಕೂಗ್ತೇನೆ. ಅವರಿಬ್ಬರು ಆ ಬದಿ ಈ ಬದಿ ಹೋದರು. ಪೆಂಗಪ್ಪ ಕೂತಿದ್ದ. ತುಂಬಾ ಸಮಯವಾದರೂ ಹಂದಿಯ ಸುಳಿವಿಲ್ಲ.  ಪೆ- ದರಿದ್ರ.. ಇಂದು ಒಂದು ಹಂದಿನೂ ಕಾಣಿಸ್ತಾ ಇಲ್ಲ. ಇರಲಿ ಕಾಯೋಣ. ಯೋಚಿಸ್ತಾನೆ. ಮಂಗಪ್ಪ ಏನ್ ಮಾಡ್ತಿರಬಹುದು? ಅತ್ತ ಕಡೆ ಮಂಗಪ್ಪ.. ಮ-ಯಬಾ. ಭಯಂಕರ ಸೊಳ್ಳೆಕಾಟ. ಹಂದಿ ಬರೋ ತನಕ ಹೆಂಗಪ್ಪಾ ಕೂತಿರೋದು. ಒಂದು ಉಪಾಯ ಮಾಡ್ತೇನೆ ಪಂಚೆಯನ್ನು ಬಿಚ್ಚಿ ತ...
Read more